صدفة لا تتكرر كثيرا !!

يحكى الشاب قصتة ويقول .. من يومين كده اشتريت خط موبايل جديد .. و بمجرد ما حطيت الشريحة في التليفون لقيت ك...مية كبيرة من الرسائل القصيرة بتوصل ورا بعضها ..
رسايل كتير قوي ..


استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! ..
لاحظت إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) ..

استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها
– الرسايل يعني – وصلت دفعة واحدة أول ما الخط اتفعّل من تاني ..
و عموماً – صاحبنا لسه بيحكي - قلت أعمل ديليت للرسايل دي كلها لأنها شاغلة مساحة عالفاضي وطبعاً ملهاش أي فايدة بالنسبة لي ..
لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع ..
رديت ..
و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ...
( يا مصصصطططففي واحشني قوي) ..
اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" ..

قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر ..
و لما زادت الاتصالات والرسايل قررت أغير الشريحه ..
و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار ..
كان ممكن أشيل الشريحة واخلص و يبقى الموضوع اتقفل ..
فضلت أبص على الرقم لفترة و قررت إني أرد ..

قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه ..

كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي ..
رديت ..
وكنت متوقع سيل من الصراخ والعويل كالعادة ..
ولكن المرة دي سمعت صوت تاني ..
صوت بنت عمرها في حدود 15 أو 16 سنه ..
قالت لي الكلام ده بالحرف :

" انا بعتذر لحضرتك بالنيابة عن أمي .
. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." وقفلت السكة واتأكدت ان فى ناس بتموت كل يوم عشان عيالهم اللى ماتوا عشان خاطر مصر
يا رب صبر ام كل شهيد

خطورة التليفون المحمول اثناء النوم cell phone dangerous

انتشر الهاتف المحمول في كل مكان اصبح كل صغير وكبير يمتلك هاتف جوال في يده ويجب علينا ان نعرف ان الهاتف المحمول كما له فوائد له اضرار جسيمه علي مخ الانسان ,نحن غالبا ننام والهاتف المحمول بجوارنا وهذه من العادات التى اعتادنا عليها في معظه الاوقات ولكن هناك ابحاث علميه اثبتت ان النوم بجوار الهاتف او ايه اجهزه ارسال او استقبال فضائي تسبب الارق والقلق وانعدام النوم بالاضافه الي تلف في الدماغ 

وبالتالي علي المدى الطويل يؤدى الي تدمير مناعه الجسم واكد دكتور جمال شعبان استاذ القلب بالمعهد القومى انه توجد قيمتان لتردد الإشعاعات المنبعثة من الموبايل، الأولى 900 ميجا هرتز والثانية 1.8 ميجا هرتز وان لهذه الاشعاعات مخاطر كبيره علي جسم الانسان محطات تقوية الهاتف المحمول تعادل فى قوتها الإشعاعات الناجمة عن مفاعل نووى صغير بالاضافه ان الاشعه الناتجه من الهاتف المحمول اقوى من الاشعه السينيه التى تخترق جسم الانسان والتى تسمى اشعه اكس

وهناك العديد من المرضي الذين يعانون من الصداع والارق الليلي وضعف الذكراه وطنين في الاذن وخاصه في الليل هم من مستخدمي الموبايل وان التعرض لجرعات زائده من هذه الموجات يؤدى الي اضرار بمخ الانسان

ومن ناحيه اخري اكد البروفيسور، الذى اخترع رقائق الموبايل أثناء عمله فى شركة سيمنس الألمانية للإلكترونيات أن إشعاعات الهاتف المحمول تضرب خلايا المخ بحوالى 215 مرة كل ثانية مما ينجم عنه ارتفاع نسبـــــــــة التحول السرطانى بالجسم 4% عن المعدل الطبيعى.

وفي النهايه يجب علي كل مستخدمى الموبايل "الهاتف المحمول "توخي الحذر لان كل شئ يمكن استخدامه بطريقه صحيحه واذا اهملنا في استخدام الهاتف ووضعناه بجانبنا اثناء النوم سوف نعرض حيانتا للخطر علي المدى البعيد لذلك ارجو منكم ان يكون الهاتف الخاص بك بعيد عنك اثناء نومك واذا تحدثت في التليفون كثيرا استخدم سماعه الاذن تجنبا لتلك الاشعاعات الخطيره التى يظهر تأثريها علي المدى البعيد